Ich Chvnrat vnd Reinbot, br/vder von Swartzenbvrch, t*vn :I chvnt allen den, die disen brif ansehent oder h/orent lesen, daz wir daz g*vt, daz Chvnrat von Tintzing vnd sin br*vder von vns ze lehen habent gehabt, avf haben enpfhangen von in vnd haben es geaigent dem spital ze Regenspvrch, also, daz wir noch vnser erben di izvnt lebent oder di noch ch/vnftich werdent , nimmer dehein ansprach daravf s/vlen haben. Vnd daz daz also sta't belib, haben wir dem vorgenanten spital disen brif gegeben, versigelten mit vnseren insigelen. Des sint gezevg: Hainrich von Stralenvelt, Chvnrat der Retza'r vnd des spitales br/vder, her Chvnrat der maister, brvder Hainrich der Sch/vtenhofa'r, brvder Hainrich von Peirching, Albreht, des spitals schreiba'r vnd ander gezevg ein michel tail. Ditz ist geschehen do von Christes geb*vrt waren drevtzenhvndert jar an sant Rvprehts tag.