Ȭ Universis Ȭ Christi fidelibus presentes litteras inspecturis, nos miseratione divina Monaldus civitatis Castellane, :I Nicolaus Turibulen(sis), frater Angelus Fesulanus, Nicolaus Capritanus et Thomas Etesien(sis) episcopi salutem in Domino sempiternam. Sanctorum meritis inclita gaudia fideles Christi obsequi minime dubitamus, qui eorum patrocinia per condigne devotionis obsequia promerentur, illum quoque gloriose venerantur in ipsis quorum ipse est gloriosa et retributio premiorum. Cupientes igitur, ut capella omnium sanctorum constructa in hospitali sancte Caterine in pede pontis Ratispon(ensis) congruis honoribus frequentetur et a cunctis Christi fidelibus iugiter veneretur. Omnibus vere penitentibus et confessis, qui tam ad dictam capellam quam aram hospitalis predicti devote accesserint oraturi pro animabus illorum, quorum corpora inibi requiescunt aut qui pro luminaribus ornamentis, vel aliis necessariis ipsius capelle manus porrexerint adiutrices, vel qui ad missam, que decantatur in hospitali predicto inter infirmos, languentes ibidem et eis manus porrexerint caritatis, de omnipotentis dei misericordia et beatorum Petri et Pauli apostolorum eius auctoritate confisi, singuli nostrum quadraginta dierum indulgentias de iniunctis eis penitentiis misericoditer in domino relaxamus. Dummodo diocesani voluntas ad id accesserit et consensus. In cuius rei testimonium presentibus nostra sigilla duximus apponenda. Dat. Rome anno domini Mo CCCo, pontificatus domini Bonifatii pape VIII. anno sexto.