Nos Chvnradus dei gratia ecclesie Ratisponensis episcopus constare :| volumus universis presencia inspecturis, quod insulam nobis et Ratisponensis ecclesie attinentem proprietatis tytulo sitam infra molendinum leprosorum domus sancti Nycolay prope civitatem Ratisponensem infra alveum Danubii ibidem, quam olim quondam dominus Heinricus pie memorie predecessor noster, discretis viris Chvnradi filio Gvmperti,Walthero Muschopfo et Ortlibo filio Setzarii, civibus Ratisponensium cum omni utilitate ipsius contulerat iure et nomine precario, possidendam ab eisdem ad tempora vite ipsorum. Quam etiam insulam dicti cives, cum omni iure, quod eis quesitum fuerat et competebat in eadem insula iuxta formam instrumenti nominatis civibus dati per dictum antecessorem nostrum, in fratres et domum hospitalis Ratisponensem cum omnibus iuribus et appendenciis dicte insule, quesitis et inquirendis accedente nostro scitu et beneplacito transtulerunt eisdem fratribus seu hospitali Ratisponensis fideli et obsequiosa devocione ipsorum, quam iidem ad nos et Ratisponensem ecclesiam habent considerata, contulimus seu locavimus perpetuo possidendam. Ita tamen, ut de prescripta insula annuatim duos lepores non exutos pellibus cum XXIIIIor denarios Ratisponenses in vigilia Nativitatis domini nobis seu successoribus nostris in signum proprietatis et dominii iure seu nomine census solvere reneantur, sub hac pena, quod quandocumque et quocienscumque predicti fratres seu magister hospitalis, qui pro tempore fuerit, in solucione prescripti census negligentes fuerint, elapsis XIIIIor diebus continuis post terminum prenotatum, extunc tociens, quociens negligencia comiserint in singulis XIIIIor diebus sequentibus, ad duplum census et super excrescencie quantecumque obligati sint contradictione qualibet non obstante. In cuius rei testimonium presentes damus litteras, sigilli nostri munimine roboratas. Datum Ratispona anno domini millesimo trecentesimo primo, IIIo kal. aprilis.