Ich Chvnrat der Zant, purigaer vnd schulthaiczz ze Regensp*urch, vergich an disen gagenburtigem brief vnd tvn chvnt allen den, die in horent :I oder sehent lesen, daz die spitalaer dacz Regen(spurch) miner frowen sand Kathrein, chauften einen hof der der Wirthof haizzet, dacz hern Heinrichen vnd hern Vlrichen, den Dr*uchsaeczzen von Ekkenm/ul vmb anderthalb hvndert pf*vnt Regen(spurger) phenning, vnd chauften den zehenten da ze Puebing, ze Hermaeting vnd ze Saelching, dacz Eberharten des viczt*vmes Amman von Stravbing, vmb einsvndvirczzigke pf*vnt Regenspurgaer phenning vnd divselben g/ut sint lehen von minem herren dem bischolf von Regensp*urch, vnd bat mich der mayster vnd die br*uder des vorgenanten spitales, daz ich divselben g*ut, div vorgeschriben sint, empfieng von minem herren dem bischolf vnd ir der d/urftigen vnd der siechen tragaer waer. Also vergich ich auch, daz ich lauterlichen durch Got vnd durch daz heil miner sel ir tragaer bin, vnd daz ich der vorgenanten g/ut versprechaer sol sin vnd ir voderaer, als oft si mich sin ermonent vnd in sin not ist, vnd daz ich noch chein mine erbe, noch min afterchomen chein ansprache noch chain ander reht daran haben schulen, wan daz wir ez den durftigen tragen vnd enpfahen sulen durch Got ze einer sicherheit vnd ze einem vrch*vnde. Daz daz also ewichlichen staet vnd vnzebrochen beleib, von mir vnd von minen erben, han ich in den brief gegeben, versigeltn mit min selbes insigel. Des sint gezivg: her Otte von Chrondorf, Chvnrat min s*vn, Heinrich der Nappurgaer, Albreht der Gemglingnaer, Karel der Chratzzaer, Ingram min chneht, Hainrich der Schertzaer vnd anderr frumer leut gen*uch. Daz ist geschehen do von Christes geburt woren tausent jar drivhvndert jar vnd driv jar des nehsten svnnetages vor mitterrvasten.