Nos Ch(unradus) dei gratia ecclesie Rat(isponensis) episcopus presentibus profitemur, quod cum Eberh(ardus) dictus :| officialis de Strubinga et nunc civis Rat(isponensis) proventus decimarum maiorum et minorum in tribus villis, videlicet PȄbing, Sælching et Chirchmæting, quo ad duas Garbas tantum, quos idem a nobis nostraque ecclesia Rat(isponensis) per manum domini Alb(erti) de Strawbing ipsius Eberh(ardi) in hac parte geruli, quod vulgariter tragær dicitur, in feodum recognoverat et tenuerat, vendidisset et distraxisset religiosis viris, magistro et fratribus, necnon hospitali transpontem Rat(isponensem) pro precio quadraginta unius libre denariorum Rat(isponensium) numerate pecunie. Dictusque Alb(ertus) una cum prenominato Eberh(ardo) in nostra constituti presencia ad manus nostras libere resignassent. Nos ad dictorum fratrum devotam instanciam eosdem de prescriptarum decimarum proventibus infeodavimus et presentibus infeodamus ad manus videlicet discreti viri Ch(unradi) dicti Dentis, sculteti Rat(isponensis), dictumque Ch(unradum) Dentem ipsorum fratrum gerulum tantum, quid Tragær vulgariter nuncupatur, pro tempore vite sue deputavimus et constituimus, sic quod dicti fratres eorumque successores omnis et singulos dictarum decimarum proventus eodem iure, quo eosdem sepefatus Eberh(ardus) usque ad hec tempora percepit et collegit sine prefati sculteti aut eius quorumcumque heredum inpedimento quolibet suis usibus applicent, possideant et colligeant, decetero contradictione qualibet non obstante. Adiectum est etiam, quod mortuo predicto sculteto nominati fratres eligendi eis alium gerulum pro prescriptis obvencionibus, qui eis ad hec expedire videbitur, habebunt liberam facultatem. In cuius infeodacionis testimonium sigillum nostrum apponi mandavimus huic scripto. Datum Rat(ispone) anno domini Mo CCC tercio, II. kl. marcii.