Ich Chvnrat vnd Dittrich, vnd Wolfhart, vnd Hainrich di Smiatgama'r veriehen :I vnd tun chvnt allen den, di disen prief ansehent oder h/orent lesen, daz wir dem spital ze Regenspurch an dem f/uzze der prukke, haben auz vnserm frein aigen ze Chegel gegeben funzich pfenning ebiger g/ute, vnd ob daz war, daz daz vorgenant g/ut nimer gulte, denne die funzzich pfenning die schullen dem vorgenantem spital alle iar geuallen an sant Michels tag, swi so iz ge mit der wescheidenheit, daz vns daz egenant spital herwider hat gegeben sein freiz aigen dacz den vorach, wesuchtes vnd vnbesuchtes, ze holcz vnd ze velt, ze dorf vnd ze wisen, allez daz dazv gehort, f/ur di vorgenanten funzzich pfenning; vnd schullen auch des vndergeber sin vnd wir der ir hin wider. Daz ez auch also stat vnd vnzerbrochen weleibe, von vns vnd von vnsern nachomen, geb wir in den prief versigelten mit vnserm insigel. Daz ist geschehen da von Cristes geburt waren driuzehenhvndert jar vnd darnach in dem zwelften jar an sant Lucein tag.