Ich Wolfhart der Wilde, vergich vnd tvn chvnt allen den, di disen prief ansehent oder h/orent lesen, :I daz ich meinew zwai lehen, daz Aichelperch, han verchauft dem spital ze Regenspurch an dem fuzze der prukke, vmb siben pfunt Regenspurger pfenning f/ur ein freiz, ledig aigen vnd han in darvmb meinen lieben ohaim zv mir ze porgen sechet, hern Hainrich von Trautenberch, daz wir dem vorgenanten spital daz vorgenant g/utt versprechen vnd veranburten, an aller der stat vnd sein. Daz vorgenant spital wedarf vnd sein auch des egenanten gutes versprecher, als aigens vnd lanz ret ist, ob wir des taten swelhen schaden des daz offtgenant spital na'm, den schulle wern in ab t/un, an allen chrich vnd widerred. Daz ez auch stat vnd vnzerbrochen weleibe, von vns vnd von vnsern nachomen, gib ich in den prief versigelten mit meinen insigel vnd mit meines lieben ohaimes insigel, hern Hainr(ich) von Trautenberch, vnd des sint zwge: her Vlrich der pfarrer von V/lsenbach, vnd Fridrich der Perenstainer, vnd Vlrich der Wildenawer, vnd Marchart von Travtenberch, vnd Pilgerim von Travtenberch, vnd anderr frvmer la'ut genvnch. Daz ist geschehen do von Cristes geburt waren drevzenhenhvndert jar dar in dem zwelften jar an sant Luczein tag.