Ich Hainreich von Trautenberch, rihter ze dem St/orenstain, t/vn chvnt allen den, di disen brief anse:Ihent oder h/orent lesen, daz ich dem spital meiner frawen sand Katherein, daz ze Regenspurch an dem fuzze der prukke gelegen ist, meinen hof, der ze Pfaffenriut gelegen ist, da eteswenne Marquart der Trapan aufgesezzen was, durch Got f/ur ein freiz ledigez aigen gegewen han ze durchslaehtt, an alle ansprach; ez giltet auch derselbe hof alliv jar ze zins an zwelfeinhalbez pfvnt Regenspurger pfenninge vnd den chlain dinst. Ich han auch dem vorgenanten spital einen andern hof geschafft, der auch ze Pfaffenriut gelegen ist, der gilt als vil, als der egeschriben; ich han auch im denselben hof geschaffet mit diser beschaidenhait, ob ich an erben vnd an geschaeft vervar, des Got niht engeb, so ist derselbe hof des vorgenanten spitals aygen, an allen chriech, man schol auch mir alliv jar div weil ich leb von demselben hof geben drei schilling pfenning ob ich siv nemen w(i)l. Ist auch daz ich denselben hof niht versparen mach von swelhen vnsa'lden daz ch/om, des mich Got /vber hef vnd ich den hof vercha'uffen m/vst, so schol ich in di pr/vder von dem spital ze dem ersten anpieten ob si in chauffen wellen vnd schol auch inn ze chauffen geben nach vier mann rat ob sin chauffen wellent, wllent oder enm/vgent si sein niht gechauffen, so schol ich meinen hof verchauffen swem ich wil vnd schvlen mich auch di spitalaer daran niht irren noch chrenchen, man schol auch alliv jar an dem aufverttag, mein vnd meiner hausfrawen, vnd meins vater, Marquartes des Trautenbergraers, jarzeit begen mit vigili vnd mit selmessen, vnd mit einem mal vnder den siechen als verre div gvltt gelangen mach, man schol auch gedench meiner muter, vern Gedrauden der Trautenbergerinne. Daz ez auch also staet vnd vnzerbrochen beleibe, gib ich dem vorgenantem spital ze vrchvnde disen brief mit meinem insigel versigelten. Des sint gezivge: her Vlr(ich) der pfarraer von /Vlsenbach, Vlreich der Trautenbergaer, Marquart der Trautenberger mein vetern, Heinr(ich) der Raevzze, Chvnr(ad) sein pruder, Vlr(ich) von Stainpach, Vlr(ich) sein nahtgepaur der Lemke vnd andrer frumer laevt genvnch. Daz ist geschehen do von Christes geburt waren driuczehenhundert jar darnach in dem andern jar an sand Lienhartes tag.