ȬIȬ nomine domini amen. ȬNȬos Chțnradus dei gratia episcopus ecclesie Eystetensis, tenore presenti-:| um profitemur, recognoscimus et constare volumus universis presentibus et futuris, quod cum viri religiosi ac dilecti in Christo magister et fratres domus hospitalis civitatis Ratisponenesis decimam de superiori curia in Emchencelle, quam vir discretus Jordanus, dictus de Stynne, laycus a nobis et ecclesia nostra hucusque titulo feodali tenuit et possedit, pro se et dicta domo sua conquirendam duxerint et emendam nobis cum instancia supplicantes, ut eam in proprietatem dicte domus sue ex speciali quadam gratia reducere curaremus. Nos considerantes, quod votis iusta petentum facilis et benignus est prebendiis assensus, tum ob religionis favorem, quem ad ipsum et personas ipsius gerimus specialem, tum ob anime nostre remedium et salutem a premisso layco, dicte decime libera resignatione recepta ipsam cum omni comodo et integritate, quo dictus laycus eandem possedit a nobis prescriptis fratribus donavimus et donamus, tradidimus et tradimus, assignavimus et presentibus assignamus. Eam exnunc in ipsos fratres ac per eos in domum hospitalis prefatam, quo ad proprietatem et dominium ipsius decime perpetue et gratuite donacionis titulo liberaliter transferentes. In cuius testimonium presentes eis dedimus litteras nostri sigilli robore communitas. Actum et datum Eystet. anno domini millesimo trecentesimo secundo, VIIII. kalen. novembris.