Ich Hainrich von Trautenberch vnd ver Diemvt mein hausvrav, vergehen vnd tvn chunt allen den, die disen prief ansehent :I oder horent lesen, daz wir mit guten willen durch die libe Gotes vnd durch daz hail vnser paider sel geben vnd haben gegeben, dem spital meiner frawen sant Katherein ze Regenspurch, zwen h/off daz Phaffenrevt, die vnser rehtez, vreiz, ledigez aigen waren vnd mit allen dem rech vnd wirz si haben gehabt, also geb wir si den d/vrftigen vnd dem spital von Regenspurch ewichlich ze haben vnd ze besizen f/ur ein freiz ledigez aigen, daz wir noch vnser erb, noch chain vnser afterk/vnd, chain ansprach noch chain rech darnach nimmermer gehaben noch gewinnen. Dieselben zwen h/of dacz Phaffenrevt sch/ulen alle jar gelten siben schilling Regenspurger phenning, vnd dauon so schol man mein jarzeit begen vnd meiner hausvrawen vern Dimvden, vnd meins vater hern Marquarts uon Trautenberch, vnd vern Gedraud meiner mvter, alle jar an dem aufvertabent mit vigilii vnd mit selmess, vnd an dem tag mit ainem mal den sichen von semlen vnd von fleiss als verr di siben schilling gelangent. Daz daz allez also stet beleib vnd vnzeprochen ewichlichen von vns vnd von vnsern nachkomen, darvmb so geb wir disen prief versigelt mit vnser selbes insigel. Des sint gezevg: her Vlrich der pharrer von Vlsenbach, her Marquart von Trautenberch, Hainrich der Ra'vz, her Vlrich von Trautenberch, Vlrich der Lengk, Vlrich von Stainpach, der reich Marquart vnd ander frumer levt genvnch. Daz ist geschehen do von Kristes purt waren drevzehenhvndert jar vnd ach an sand Agnesen tag.