Wir Rud(olf) vnd Lud(wig) von gotes genaden pfallenczgrafen bi dem Rein vnd :I herczogen in Bayern, vnserr lieben veterr Heinr(eich), Otten vnd Heinr(eich), herczogen in Beyern, pfleger, entbieten allen vnsern edelen la'uten, dienstmannen, amptla'uten vnd dienern, swie si genant sein, vnser hulde vnd alles g*ut, wan wir dez spitals ze Regen(spurch) la'ut vnd g*ut /vberal in vnserr gebiet in vnsern besvndern scherm genomen haben, biten vnd gebieten wir iv, daz ir iv dez selben spitals la'ut vnd g*ut enpfolhen lat sein vnd in wider daz recht dhein laid t*ut noch ieman dez gestatet, daz si an reht mit ihtiv beswert werden; wizzet, daz ir vns daran besvndern dienst t*vt. Der brief ist geben ze Lengenvelt anno domini millesimo CCCo XIIIIo sabbato in ebdomada pentecostes.