Nos Rud(olfus) et Lud(wicus) dei gratia comites palatini Reni duces Bawarie notum facimus presencium inspectoribus :I universis. Cum Fridericus dictus Glarer notarius noster domum suam in Ingolstat sitam intra murum civitatis, quam a dicto Gotschnecht cive ibidem comparavit, una cum pomerio adiacente magistro et fratribus hospitalis Ratispone vendiderit pro dicta pecunie quantitate. Nos eidem vendicioni adhibemus consensum presentibus et assensum mandantes universis nostris officialibus, nobilibus, civibus et servitoribus cuiuscumque condicionis fuerint, ne dictos fratres dicti hospitalis, qui nunc sunt vel pro tempore fuerint in dicta domo et sua pertinenciis, ut premissum est, gravent in aliquo aut molestent. In cuius rei testimonium eis presentes dedimus sigillorum nostrorum munimine roboratas. Datum Monaci anno domini millesimo trecentesimo quartodecimo, in vigilia assumpcionis virginis gloriose.