Ich Leo der S/vzze, der schulthaiczinne s/vn *vf Tvnawe, t/vn chvnt allen :I den, di disen brief ansehent vnd horent lesen, daz ich minen obern pavmgarten in dem obern werde, von der T/unawe vntz gar in die Nabe, von ainem wazzer in daz ander, han verlihen Hainrichen vnd Rudlin sinem pruder, des Frideriches chinden des fleichower, dem got genade vnd /irm vetern hern P/urcharten dem fleisch/ower vnd siner hausfr/owen vern perichten vreylichen sulen besiczen ze ir vier leiben vnd leben, wan si den gechauft habent von vern Eysalen der Lanchmaninne also vnd mit der geschepfte, daz mir di v/orgeschriben vier leibe alle jar an sant Haimerams tag oder an dem na'hsten tag darnach von dem genanden pavmgarten zwelif pfenning Regenspurger m/vnzze ze zins geben sulen nach purchrecht, di pfenning di danne gibe vnd ga'be sint. Daz in daz also sta't vnd vnzerbrochen beleibe, darvber gib ich in disen brief mit minem insigele verinsigelt ze einem /vrchvnde vnd ze einer besta'tichait. Dabi sint gewesen: her Chvnrat der Zant, schulthaicze ze Regensp/urch, her Vlrich der Tvndorffer, Hainrich der jvng Zant, Vlrich der jvnge Zant, Vlrich der Nivnburger, Vlrich der Sinczenhouer, Chvnrat der Rot vnd Wernher sin pruder, fleish/ower vnd ander getrewe zevge ein michel taile. Daz ist geschehen, do von Christes geb/vrt waren dr/ivtzehenhvndert jar vnd in dem achten jar an sant Gothartes tag.