Ȭ Chunradus Ȭ dei gratia Ratisponensis ecclesie episcopus, dilectis in Christo fratri Liupoldo magistro totique conventui fratrum et :I sororum domus hospitalis ibidem site prope monasterium sancti Magni salutem et sinceram in domino karitatem. Cum anno preterito, videlicet dominice incarnacionis Mo CCCo quarto aput vos et in domo vestra secundum statuta canonum et debitum officii pastoralis visitacionis officium per nos ipsos exercuerimus, tam in capite, quam in membris, defectus quoque, si quos tunc ex parte fratrum tam in spiritualibus quam in temporalibus conperimus, correxerimus et reformari mandaverimus, prout tunc visum fuit expediensa et consultum. Super correctione et reformacione defectuum, quos ex parte sororum professarum eiusdem domus eodem tempore per diligentem inquisitionemb invenimus, matura et provida deliberacione prehabita sic statuendum duximus et statuimus, ut eedem sorores tam presentes quam eisdem successure subscripta in perpetuum et irrefragabiliter sub virtute sancte obediencie observare debeant et tenere. Primo enim advertentes verbum canonis, quo dicitur, quia dignum est, ut qui similem cum aliis vitam suscipiunt, similem senciant in legibusc disciplinam, statuimus et ordinamus, ut ipse sorores et quelibet ipsarum, tam nunc recepte quam in posterum recipiende in sue recepcionis inicio proprietatibus quibuslibet abdicatis, castitatem et continenciam deinceps servandam voveant et anno probacionis expleto professionem publice presentibus fratribus et sororibus domus in capitulo seu alio loco adhoc apto secundum regulam et statuta sui ordinis faciant sollempnem et ad manus magistri obedienciam promittant, sicut in religionibus aliis est consuetum. Item intra domum et extra maxime eisdem vestibus in panno et colore una cum fratribus, cuius una ulna pro duodecem denariis Ratisponensibus emi possit, secundum regulam quam dicti fratres et sorores communiter profitentur, et velo nigro et religioso in capite utantur. Quibus eciam pepla sericea, pelles volpinas et mardurinas seu alias consimiles inhibemus, ut per hoc ab aliis beginis et sororibus discernantur. Ovinis tamen pellibus et pelliciis uti possunt quemadmodum ipsi fratres.1 Volumus eciam, ut sacerdotibus ipsius domus in faciendis confessionibus sint contente, nec extra domum confiteantur preter nostram seu vicarii nostri nobis absentibus petitam licenciam et obtentam. Prohibemus insuper districtius, ne ullo unquam tempore domum hospitalis exeant, preter ipsius magistri seu vicarii eiusdem licenciam et permissum. Eisdem sororibus eciam in remissionem peccatorum iniungimus et districtissime mandamus, ut in serviciis et necessitatibus infirmorum se omni tempore, dum sane sunt et possunt, sedulas exhibeant et devotas, cum ad huiusmodi ministeria recipiantur et ad hec secundum regulam sint astricte. Ceterum quia iure cautum est communi, ne plures persone recipiantur in aliquo monasterio, quam de ipsius facultatibus possunt commode sustentari, statuimus, ut sororibus iam receptis et professis in suo statu manentibus numerus septenarius circa recipiendas de cetero et in perpetuum nullatenus excedatur. Rebelles autem et inobedientes ad ipsius magistri arbitrium cum consilio tamen seniorum fratrum et aliorum litteratorum seu religiosorum, si culpe qualitas hoc exegerit, puniantur. In quorum statutorum et ordinacionis testimonium perpetuum presentes litteras scribi mandavimus, nostrique ac dictorum magistri et domus hospitalis sigillorum munimine sigillari. Datum et actum Ratispone anno domini millesimo CCCo quinto, Pangracii martiris.