Wir Ott vnd Hiltwin, br/vder von Chrandorf, veriehen an di:Isem gagenw/vrttigen brif vnd t/un ovch chvnt allen den, di in sehent oder h/orent lesen, daz wir vnseren hof, der datz Hartheim gelegen ist, auf haben gegeben vnserem herren dem hertzogen R/vdolfen von bairen, von dem er lehen was, also daz er denselben hof dvrch got vnd dvrch vnser gebet dem spital ze Regenspvrch geaigent hat vnd ovch daz g/vt daz ze Ra'vt gelegen ist, daz haben wir verchavft dem vorgenanten spital vmb f/vntzich pfhvnt Regenspvrga'r pfhennig, also mit der beschaidenheit, daz wir selb noch dehein vnser erben di itzvnt lebent oder noch ch/vnftich sint nimmer mer dehein ansprache avf denselben hof datz Hartheim noch avf di h/of datz Gera'vtt s/vlen haben noch gewinnen. Daz ditz also sta't belib vnd vnzebrochen, haben wir dem vorgeschriben spital disen brif gegeben, versigelten mit vnseren insigeln ze einem vrch/vnde. Des sint gezevg: her Volchmar, des erba'rigen herren, des bischofs von Eystet schreiba'r; Chvnrat, der jvng Zant; Hainrich der Pap, pvrga'r; Fridel von Lvrch; br/vder Seibot, der chastna'r in dem spital; Albreht, des spitals schreiba'r vnd ander gezevg ein micheltail. Ditz ist geschehen do von Christes gebvrtt waren drevtzehenhvndert jar an vnser fr/owentach ze der schidvng.