Ich Hainrich vnd ich Chvnrat sin pruder, di Hohenfelser, veryehen vnd t/vn chvnt :I allen den, di disen brief ansehent vnd h/orent lesen, daz wir einen chriekh vnd ein ansprach hieten, hintz dem spitale ze Regensp/urch vnd hintz den g/uten ze Hasselpach vnd Abach; vnd denselben chriekh vnd di ansprach, haben wir lautterlich dvrch g/ot lazzen, vnd d/vrch aller vnser vodern sele willen, also mit der beschaidenhait, daz wir noch dehainer vnser eriben, dehain recht daran haben noch dehain ansprach, noch dehain voder/vng ewichlich, darnach ewichlich nimmer mer gehaben noch gewinnen. Daz daz also sta't vnd vnzerbrochen beleibe, von vns vnd von allen vnsern afterchvnften vnd erben. Darvber geben wir in disen brief mit vnsern insigelen, verinsigelt ze einem vrchvnde vnd ze einer besta'tichait. Dez sint gezi/vch: her Vlrich der Grans, Ernst von Vorstesperig, Lautwin sin s/vn, Hainr(ich) der Protner, Hainr(ich) der ch/orherre vnd Lamprecht der schriber, vnd ander getrewe zivge ein michel tail. Daz ist geschehen, do von Christez gebvrt waren drivczehenhvndert jar in dem achten jar dez na'hsten montagez nach sant Magareten tag.