Wir Fridereich vnd Marquard die Glaiten, chorherren ze Freisingen datz sand :I Andreen, veriegen offenleichen an disem brief, daz wir reht vnd redleich verchauft haben vnser haus ze Ingolstat, do wir selb inn warn, daz da ligt bei dez hertzogen haus gegen den ostentor, dem spitol ze Regenspurch, vmb vierzich pfunt M/unchna'r pfenning, der wir gewert sein vnd sch/ol wir in dazselb haus versten, swo ez in ze chrieg wirt nach der stat reht ze Ingolstat, vnd ta't wir dez niht, swelhen schaden si dez na'men, den sch/ul wir in abtuen. Vnd haben in darvmb ze p/urgen gesetzet Vlreich den Perchaimer vnsern swager. Der brief ist geben ze Ingolstat dez nahsten montags nach vnser frawen tach, do man von christes gepurt zalt driuzehenhundert jar darnach in dem vierzehent jar.