Ich Gerhart der chapplan von Pettendorf, vergih vnd t/vn chvnt allen den, di disen gagen:Iwurtingen prief ansehent oder horent lesen, daz ich die gwier, die ich het an meins vater g*vt ze Chrvndorf, die han ich gantwurt dem spital ze Regenspurch, ledichlich an alle ansprachche, mit sottaner bescheidenheit, daz si mir alle jar on zehen ein holpfvnt Regenspurch pfennigen sch/vllen geben, an alle widerred dieweil ich lebe; ez en irre denne gemainer prest, daz sin daz vorgenant g*vt niht vertragen m/vg. Vnd disselben weil schol daz vorgenant g*vt, mein swager Chvnr(at) vnd sin hawsfrawe Willwirt vnd sinev chint haben vmb f/vnpf schilling Regenspurch phennigen alle iar, daz man an sev chainen ander d/inst schol mvten, vnd die schvlln si geben auf sant Marteins tagk. Ta'ten si des niht auf denselben tagch, so hiet sich ivr gwier ga'ntslich vervallen. Daz daz sta't vnd vnzeprochen beleib, des gib ich in disen brief zv einem vrch/vnne mit min solbes insigel. Daz ist geschehen, da von Cristes p/urtt waren tavsent iar, drevhvndert iar, siben iar an sant Vrbans tagk des heiligen pabstes.