Nos Chunradus dei gratia ecclesie Ratisponen(sis) episcopus considerantes qua fructuosum et sa- :I lubris sit pia compassionis viscera infirmis et pauperibus exhibere, infirmis inqua et pauperibus qui nature dotibus et rerum temporalium commodo destituti foventur et subsistunt dumtaxat cum vannem (?) alieno, cum scriptum sit, beatus qui intelligit super egenum et pauperem, omnino cogimur omnes nobis subditos ad compaciendum pauperibus et infirmis hospitalis trans pontem Raispone, indulgentiarum largicionibus et peccatorum remissionibus incitare. Confisi itaque de misericordia omnipotentis dei et auctoritate quam nobis dominus tradidit, omnibus vere penitentibus et contricis, qui pro sustentacione de multitudinis dictorum pauperum suas elargiti fuerint elemosinas, aut quelibet subsidia impenderint karitatis, quadraginta dies de iniuncta eis penitentia misericorditer in domino relaxamus. Inhibentes districte ne aliqui Zehmaistri a nunciis eorundem presumant aliquam exigere porcionem. Nolumus tamen ut auctoritate presentium alique fiant staciones publice, vel ullus questuarius admittatur, sed in forma communi per annum continuum a data presentium et non ultra petantur fidelium elemosine per easdem. Datum Ratispone anno domini MCCC octavo, XII. kalendis Septembris.