In nomine sancte et indiuidue trinitatis ego Heinricus formbacensis abbas. Notum sit prouidentie uenture posteritatis, quod nobiles istius loci fundatores scilicet pie memorie Ekkebertus comes et Vdalricus cognatus eius omni diligentia multimodis instituerunt (?) et sagaci industria statum istius ecclesie in dei laude perseuerare intenta deuotione statuerunt et hoc apostolica auctoritate et imperatoria maiestate penitus roborauerunt. Domnus beringerus primus formbacensis cenobii abbas ipsorum fundatorum iuuamine inuestitus est omni libertate et protectionis tutela a uenerando papa innocentio secundo et ab ipso priuilegiis apostolicis confirmatum, ut eadem ecclesia ab omnium mortalium seruicio existat libera et solummodo romano pontifici subiaceat et pie memorie Lotharii III sigillo prorsus confirmatum, ne aliqua persona maior uel minor uel mediocris in his concessis eam inquietare, molestare, diuestire presumat. si quis contra hoc presumpserit, quod minime conuenit, LX. libras auri medietatem kamere nostre, medietatem predicte conponat ecclesie. Porro iusticiam, quam habuimus ascha in tributis firmiter sine contradictione a uenerabilibus fundatoribus nobis collatis, per uiolentiam secularium dominorum maxime per quendam Heinricum nobis infestum de Julbach cognomento uarirre ad horam minime habere potuimus sed prouidentia H. formbacensis abbatis suorumque fratrum consilio et auxilio meliorum totius prouincie multis laboribus firmiter obtinuimus anno incarnationis domini M. CXCVI, Celestini pape anno VI, H. imperatoris gloriosissimi anno VI, Domni Wolfkeri pataviensis episcopi anno VI. Comes Wernhardo (sic) de scowenberch iudex et aduocatus istius ecclesie conmunicato consilio prouida deliberatione datis testibus concessit et stabiliuit, ut non exigatur a nobis pedagium uel naulum sed sine obstaculo et tributo liberum deinceps semper habeamus transitum. Et hii sunt testes effecti: Ipse Wernhardus aduocatus, Liutoldus, Alwicus prepositus, Chunradus rugehalme, Volcholdus pincerna, Heinricus de prampach, Willehalmus de geilspach et fllius eius Rudolfus de curia, Heinricus de tobel, Liutoldus de Hartchirchen, Vlricus de pollenhaim, Eberhardus et Wernhardus filius eius de fuhtenpach, Rubertus stal iunior, Tiemo de puchperge, Dietricus de sulce et alii quam plures (fide digni — von späterer Hand).

Source Fulltext: OÖUB 2 (Wien 1856), S. 456-457