Charter: Oberösterreichisches Urkundenbuch, weltlicher Teil (540-1399) 1211 I 28
Signature: 1211 I 28
Add bookmark
Edit charter (old editor)
28. Januar 1211, Passau
Manegold, Bischof von Passau, bestätigt den Vertrag, welchen der Propst Hartnit von Aquileja, Ulrich, Domherr von Passau, Ulrich von Natternbach und Wilhelm von Gallspach zwischen den Pfarrern zu Natternbach und Peuerbach vermittelt hatten.Source Regest: OÖUB 2 (Wien 1856), S. 532
x
In nomine Sancte et indiuidue trinitatis. Manegoldus dei gratia Patauiensis episcopus salutem in perpetuum. Qvoniam memoria hominum labilis est nec turbe rerum sufficit, necesse est facta hominum autentica scripture beneficio communiri. Ea propter nouerit vniuersorum tam futurorum quam presentium Caritas, quod, cum ecclesia in Nordernpach haberet quandam dotem infra terminos parrochie Piwerbach sitam in loco, qui dicitur Edelinspach, et e conuerso ecclesia in Piwerbach haberet quandam dotem infra terminos parrochie Nordernpach sitam in loco, qui dicitur Trostlinspach, inter ipsas ecclesias concambium est mediantibus arbitris Hartnido Aquilegiensi preposito et Ulrico custode canonicis patauiensibus et duobus militibus volrico de Nordernpach et Willehalmo de Geilspach sub hoc pacto rationabiliter celebratum, ut ecclesia in Nordernbach hanc sibi pro dote in perpetuum memoratum predium, quod prius ecclesie in Piwerbach dotaliter attinebat, superadditis sibi ab ecclesia in Piwerbach tribus libris propter dotium inequalitatem. Ecclesia autem in Piwerbach habeat iure proprietatis pro dote in perpetuum predictum predium infra terminos suos positum, quod prius ecclesie in Nordernbach dotaliter attinebat. Ut igitur hec permutatio, que utrique ecclesiarum utilis est, stabilis et inconuulsa permaneat, eam presenti pagina sigillo nostro appensa et subscriptis testibus perpetualiter communimus. Huius rei testes sunt Gebehardus comes, Otto Biberlinus, Engelschalcus oblaicus canonici patauienses, Christanus notarius, Manegoldus de Aheim et Heinricus frater suus, Liutoldus de Sauerstetin, Otto de Haichenpach ministeriales, Heinricus frater custodis, Meinhardus, Heinricus, Ulricus et alii quam plures. Acta sunt hec Patauie in domo volrici custodis Kalendas Februarii V. anno ab incarnatione domini M. CC.XI. Indictione XIIII. Anno Pontificatus nostri sexto, Regnante Ottone IIII. Romanorum imperatore et semper Augusto. Anno imperii sui II. Consentientibus. Normanno plebano in Nordernbach et walthero plebano in Piwerbach.
Source Fulltext: OÖUB 2 (Wien 1856), S. 532
Original dating clause: Kalendas Februarii
Editions:
- Mon. boic. XXVIII. II. pag. 138. ex cod. patav.
Language:
Places
- Passau
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
