Ego Gundackerus de Storchenberch presentibus cupio protestarj, quod, cum venerabilis in christo pater et dominus Rudolfus Abbas in Sytanstetin et conuentus eiusdem super aduocacia prediorum suorum, quam pater meus tenuit, ia meo districtu constitutorum siue alibi circumiacentium michi induxissent pluries questionem in tantum, ut eam per prefectos illustris domini nostri Regis Boemorum de mambus meis euellere conarentur, Ego quam plurimum exinde sentiens me grauari, Sytanstetense monasterium adii gracia conponendi, vbi cum predictis, videlicet domino abbate et conuentu conueni amicabiliter in hunc modum, vt predia predicta siue redditus eorundem recepta tantum vna libra denariorum in festo sancti Mychahelis et vna in festo beati Georij et vno pullo a quolibet colono debeam pure propter deum plenarie defensare, omnibus aliis quibuslibet exactionibus pretermissis. Quod si non fecero, sed transgressor huiusmodi conpositionis inuentus fuero, legitimis ostensionibus et euidentibus argumentis (et) commonitus tercio per officialem ecclesie offensas sev grauamina debite non retractauero, ut premisi, forum in Styria infra septem dies debeo intrare nec inde exire, nisi de ipsius domini abbatis et conuentus licentia specialj. Et si illud neglexero, ut rebellis violator fidei reputabor. Promitto etiam testimonio huius scripti ipsis de familia mea vnum, quem sibi vtilem pro defensione viderint, deputare, Qui si metas excesserit conpromissi, alium sibi substuere debeo, quem sibi magis vtilem duxerint eligendum. In cuius rei testimonium presentem paginam ipsis tradidi sigilli mei mvnimine roboratam, testibus annotatis, videlicet Domino Ditmaro de Loch, Alberone et Ottone fratribus de Hovzinpach, Fridrico de Tannpach, Dittrico Oven, Heinrico officiali, Heinrico judice in Sytansteten, Wolflino de Nv^osspovm, Heinrico Reinsperger et aliis probis et honestis. Acta sunt hec in ecclesia Sytansteten Anno ab incarnatione domini M. CC. LXX.V. VI. jdus Martij.||
Auf der Rückseite: Gvndacheri de starchenwerch Ex parte aduocatie am hawsrugk.

Source Fulltext: OÖUB 3 (Wien 1862), S. 423, Nr. 463