Ego Poppo de Richenstaein scire desidero quoslibet presencium inspectores, quod Ego et domina Reihza dilecta vxor mea de voluntate et consensu heredum nostrorum singulorum et omnium domino dyetrico de Rorowe vendidimus vndecim talentorum redditus in wanch, vnum videlicet molendinum et quedam alia bona sita ibidem pro septuaginta talentis denariorum et pro vna libra, quam dedit predicte vxori mee pro lecupio, presentibus profiteor et solutam confirmans siue autorizans sibj redditus memoratos, tutores nichilominus vna nobiscum sibi prestantes dominum videlicet Chunradum de Sumerowe et dominum vlricum Capellarium, qui super dicta emcione tamquam legitime tutores omnium dampnorum refusionem, que in posterum ex actione sev questione qualibet dicto domino Dyetrico possent euenire, prestiterunt legitime firmitudinis sponsionem. vt autem predicta empcio rata maneat atque firma, presentem sibi tradidi paginam sigillo proprio ac dictorum dorninorum de Svmerowe et de Chappelle evidentius roboratam. Datum wienne anno dominj M. CC. LXXVII. sexto kalendas Maij. (Eine andere grössere Schrift und andere Tinte:) Dominus Otto de Steten et filius suus wlfingus, Dominus Levpoldus De Saxengange, Dominus Albertus Sthuhso, Dominus Albertus Rinderschinche, Dominus Chvnradus de Pilhiltdorf, Dominus Marquardus De Pilhiltdorf, Dominus Reinbertus De Ebersdorf, Dominus kalhohus frater suus de Ebersdorf, Dominus Chvnradus De Botendorf, Dominus Siboto de Botendorf, Dominus pilgrimvs hvnlaer, Dominus herbordus porel, Dominus Andreas, vlricus frater domini hachslini, V/olricus de Engelschachsdorf, Levpoldus dictus polz, hartnidus de Orte, Heinricus ponhalm, Otto de Scherransdorf. Isti subscripti domini et viri testes sunt Domini Dietricj de Rorawe et Domini Poponis de Richenstein emptionis inter se facte et confirmate.

Source Fulltext: OÖUB 3 (Wien 1862), S. 466-467, Nr. 506