Ego Agnes de Mistelbach notum volo fieri vniuersis tam praesentibus quam futuris, quod de consensv et optima voluntate filii mei Marquardi nec non aliorum heredum meorum concambium faciendo cumi sorore mea Offemia de Storchenberch sibi dedi terciam partem Ecclesie in Hedreinstorf, que me ex patrimonio respiciebat, pro redditibus quinque talentorum sui patrimonii in Mistelbach sitis et ibidem in terminis circumquaque, michi eosdem per fratrem Hadmarum distinguens finaliter assignauit, videlicet Heinricum procuratorem pro talento denariorum, Rudbertum pro talento, Ottonem Hinderburgarium pro dimidio talenti, Pueros Rvdegeri de Asparn pro dimidio talenti, Eosdem pro duodecim solidis. In Scrich sitis, Item eosdem pro Octogintis denariis In Hedreinstorf In tybing sitis, Item pro Sexanginta denariis in Slez in Geren sitis et hij supradictos redditus iure possident feodali. Ad huius igitur facti euidentiam e dubium posteris penitus remouendum conscribi feci praesentem paginam ipsamque filii mei sigilli munimine roboraui Nomina testium subiungendo: Dominus Hadmarus de valkenberch frater in Mevwernperge, Dominus Wichardus de Storchenberch Pataviensis Ecclesie Canonicus, Dominus Ditmarus de Loch, Otto de Havcenpach, wernhardus de Plentke, Heinricus procurator de Mistelbach, Otto Hinderburgarius, Heinricus de ymdorf, Hagno et alij quam plures. Hec autem facta sunt in Chrems In domo dominarum iuniorum de Mistelbach Anno domini M°.CC°.LXXX°. quarto, Septimo decimo kalendas Nouembris.

Source Fulltext: OÖUB 4 (Wien 1867), S. 28-29, Nr. 31