Ich Hertnid von Gvtenstain vergih mit disem prief vnd tv^en chvnt allen Levˆten, daz ich mich mit ganzem fu^ersatze vnd mit gu^etem willen verzigen han aller der Ansprach vnd alles des rehtes vnde Satzvnge, der jch jach auf das hav^es ze Lewenberch vnd han daz allez auf gegeben minen Herren Heren Fridrich vnd Heren Hertniden den zwayn Brv^edern von Pettawe, als auch ich e getan het minem Herren jr vater Heren Fridrich von Pettawe, dem Got genade, Also, daz weder jch noh min Havsfrawe noch vnser Erben noh vnser frivnt dehain vorderung vv^erbaz dar gewinnen. Dar v^eber gib ich jn ze vrchvnd disen prief mit minem jnsigil, des sint auch gezivge Min Herren Her Gebhart von Sev^enekke, Her Otto von Lichtenstain, Her Fridrich von Jablanah, Her Otto Pyswich, Her Dyetmar der Pezzentzer, Dyepolt von Chatzenstain, Herwort von Erenhavsen, Fridrich der Schaffer vnd ander pyderb Lev^ete. Daz ist geschehen vnd der prief gegeben Nah Christes gebvrt Tv^esent jar, zway Hvndert jar vnd jn dem Aht jnd Ahzigistem jar des Mitichens nah sand Niclas tag jn der Stat ze Pettawe.

Source Fulltext: OÖUB 4 (Wien 1867), S. 99-100, Nr. 101