Ego Ortnidus dictus de Tanberch notum esse cupio vniuersis presentes litteras audituris seu visuris, quod de bona voluntate mea et vxoris mee ac heredum nostrorum obligauimus domuj beate Marie virginis in Plaga duos mansus in Noevnling plene soluentes in vndecim libris et demidia denariorum patauiensium in manus carissimi avunculi nostri Chalhohi valchenstainerij pactis et condicionibus infra scriptis videlicet, quod, si infra biennium predicta bona non exsoluerimus, extunc nobis redimere non licebit nec alicui heredum nostrorum, vel eciam successorum, sed domus predicta et fratres ibidem domino militantes iam fata bona in Noevnling iure proprietatis cum omnibus attinenciis libere possidebunt. In arbitrio vero prescripti Chalhohi valchenstainarij dependebit tam ex parte nostra quam eciam domini prepositj ac fratrum, si quid nobis addere debuerint vel non ad pecuniam nominatam. Si vero Ecclesie beate virginis in Slaga vel fratribus ibidem aliqua, quod absit, necessitas inhereret, prepositus vel fratres ecclesie sepe dicte, cuicunque voluerint, bona nostra sepius prelibata, vbicunque fuerimus, obligare poterunt libere et solute pactis et condicionibus sub prescriptis et hoc de nostra bona et optima voluntate. In cuius rei testimonium presentes litteras dedimus sepe dicte domuj in Plaga et fratribus inibi sigilli nostri munimine consignatas. Huius rei testes sunt Predictus Chalhohus valchenstainarius, Ru^edgerus de Haichenpach, Cvnradus Magenhausen, Sifridus Hvgenpergerius, Irmfridus de Chlafpach, Theodericus notarius, Perhtoldus der Nimmervol. Datum anno dominj M°.CCC°. tercio in dominica Inuocauit.

Source Fulltext: OÖUB 4 (Wien 1867), S. 431, Nr. 466