Nos Rudgerus dictus de Haychenpach notum volumus esse vniuersis presentibus et futuris, ad quos presens pervenerit scriptum, Quod nos pro dampnis, que celle beate virginis in plaga per nos quondam proch dolor sunt illata, Insuper et quia filium nostrum Zidlinum Ad se in ordinem beniuole receperunt, Pro hiis causis iam prescribtis obligavimus in manus virorum nobilium Chalhochi, Friderici, Cnnradi dictorum de Walchenstein et super altare beate Marie in cenobio iam predicto In XXVIII. libris pataviensium denariorum Agros in hodansreut, prata, arbusta, siluas, aquas et vniversa, que illi aque, que Muhla nuncupatur, sunt adiacencia in ascensu, Que tamen non intra horum duorum riuulorum haypach scilicet et zagelpach sunt ambitum conprehensa, Insuper et siluam superius adiacentem vsque ad signa in arboribus manvfacta. Et ab illis signis directo tramite ad vtrumque riuulum nunc pretactum solute et libere possidenda, donec per nos aut nostros heredes pro predicta summa XXVIII. librarum patauiensium denariorum redimantur Et quodquod fratres ecclesie dicte super locacione et exstirpacione bonorum expenderint predictorum redimentes ipsis reddere debebunt plenarie non in parte. Et ne super hiis alicui successorum nostrorum dubium sev ambiguitas oriatur, In vere rei testimonium dedimus has litteras nostri sigilli munimine roboratas. Huius ordinacionis testes sunt Ortneidus de Tanberch, Vlricus de lapide, Cunradus Magenhaus, Otto crotendorfer, Purclinus Mulhauser, Irmfridus clafpech, Tedricus notarius de rennarigel et alii quam plures. Datum anno domini M°.CCC°.iij. in conuersione beati pauli Apostoli.

Source Fulltext: OÖUB 4 (Wien 1867), S. 429, Nr. 464