Ich Friderich der Paiger vergich an disem brief, daz mich der Erber man her Hainrich von walsse gegeben hat Hvndert phvnt vnd vierd halbes vnd vierzich phvnt vnd zehen phenning an der werunge, di er mir sol vmbe min Havs ze Sevsenek vnd min gu^et, daz ich im da gegeben han. Dar vber hat er mir geliehen vierzich phvnt winner phenning, der sol ich in verrichten An sant Georigen tage, der schirste chvmt, vnd habent vur diselben phenning im gelobt mit samt mir Chvnrat von volchenstorf vnd Dvrinch der Piber. Dar vber gib ich im ze einem vrchvnde disen brief mit minem jnsigel. Der brief ist gegeben nah vnsers Herren Christi gebvrde vber Drevzehen Hvndert Jare, darnah in dem dritten Jare des Mittichen nah vnser vrowen tage der Chindvnge.

Source Fulltext: OÖUB 4 (Wien 1867), S. 449, Nr. 483