Ich Phylipp von Polnhaim vergich offenlich an disem pri\ef vnd tun chunt allen den, di in sehent oder horent lesen, daz ich mit gutem willen meiner hausvrowen vro Marigreten vnd meines sunes wernheres vnd ander meiner chinde vnd mit aller stete han verlihen hern vlrich von weydenholtz ze rehtem Lehen meinen hof an dem Fu^ert; vnd hat er mir dar vmb gegeben fu^enfcehen phunt alter phenning wienner mu^enz doch mit so beschaidener red: gib ich di vorgenanten phenning wider von sand Georientag, der nu nochst gewesen ist, vber zewai iar, so ist mein hof von im ledig, tu^en auer ich des niht, so ist er sein rehte lehen fu^er sich also daz pillich ist vnd sol er mir her zu geben nach rat Morichartes pei der Assach vnd Chunrates von hungerperig, swaz vns di pede beschaident, daz sullen wir paidenthalben stete haben an alle wider red. daz im ditz gelu^eb also stete vnd vnverchert belibe von mir vnd meiner hausvrowen vnd von meinen chinden, so gib ich ze vrchunde dar v^eber disen prif mit meinem ynsigel gevestent vnd mit den erberen geceugen, di hie geschriben sind: her Ott von wepach, her friderich von Chamer, her vlrich der Ro^ere, Morichart pei der Assach, Dither sein pruder, vlrich von ymperdorf, Chunrat sein pruder, Ott hern friderichen sun von Chamer, Gerungch von Michelpach, Chunrat von hungerperig, friderich sein pruder, friderieh chunrates sun von hungerperig, wulfingch von Talnhaim vnd ander piderber leute genug. Der prif ist gegeben ze wels, do von Christes gepurd waren vergangen Dreuczehenhundert iar vnd dar nach in dem dritten iar an sand Johannestag ante portam.

Source Fulltext: OÖUB 4 (Wien 1867), S. 440-441, Nr. 476