Ich Walther von Tavfchirchen vnd vro Herwu^erch min Hausvrowe, hern Chvenen Tohter von Gu^etrat ze ainem taeil vnd ich Eberhart von Walsee ze den zeiten Lantrichter ob der Ens vnd Eberhart mein Sun vnd Elspet sein Hausvrowe hern Chvnen Tohter von Gu^etrat ze dem anderm tail veriehen vnde tu^en chvnde allen den, die disen brief an sehent oder ho^erent lesen, di nv lebent vnd her nach chvmpftige sint, Daz wier mit verdahtem mv^et vnd veraintem willen vnd nach vnser baider frevnt vnd diener rat getailet haben mit ein ander di zwo Pvrge Senftenberch vnd Stranekke mit allem dem vrbar, daz dar zv gehort ze Dorf, ze Holtz vnd ze velde, iz sei Phenning oder getraeide gvlt, Weingarten, Acher oder wismat, swie iz genant ist, daz in vrbar ist, vnd dar zû die Chirchen, di man von den vorgenanten Pvrgen leiht, Also, daz hern walthern von Taufchirchen vnd vron Herwurgen siner Hausvrowen ze ir tail gevallen ist die Purch ze Senftenberch vnd dar zu daz Dorf ze Senftenberch, swaz do geltes ist mit weingarten, mit Povngarten, mit Acher vnd den weinzehent ouf den Nevnreuten ze Senftenberch vnd swaz geltes ist ze Drozz, ze Prv^el, Der Marcht halber ze Meuslich vnd swaz dar zû gehoret mit wismat vnd mit Holtz, Daz Dorf dacz Zewing mit Mvˆl, mit Acher vnd mit Holtz vnd swaz da zvˆ gehoret, Daz Perchreht an dem Helnstaein vnd sehs jevch weingarten dacz Zewing, Dacz weinarn zwelf Schilling geltes, Dacz Chlaubendorf, swaz do gvlt ist, Dacz Stelzerdorf sehs schilling geltes, Dacz Cholestorf, swaz do gult ist, Dacz V^ezestorf, swaz do gult ist, Dacz Reintal daz Dorf halbes vnd swaz dar zu gehoret, Dacz Pavngarten daz dorf aeinlef phunt vnd aein vnd vierzich phunt phenning vnd swaz getraeide vnd weised geltes in vrbar da ist; Dar zu die gult zu Tozenpach, ze Persnych, ze Gvndolfdorf, ze Chufarn, ze Mauwer, swas do geltes ist; Dacz Sande Laurenzen bei Ibs, swaz do geltes ist an vichswaid (sic) vnd an holtz vnd an anderm dienst. Darzu ist hincz Senftenberch geuallen vnd getailt jn Baigern Acht phunt geltes dacz Snaitseê, ze Praitprunne vnd ze Perndorf, daz gehoˆret allez hintz Senftenberch. Da engegen ze dem anderm taeil ist getailt vnd geuallen Eberharten hern Eberhartes Svˆn von walseê vnd Elspeten seiner Hausvrowen die Pu°rch ze Stranekke vnd deu gult in dem dorf vnder dem Havs vnd swaz dar zu geho^eret mit Povˆngarten, mit Holtz, mit waide, mit Acher vnd sehs jeuch weingarten vor dem haus, Der Marcht ze Stransdorf vnd swaz dar zv geho^eret; Daz Dorf ze wulzeshofen vnd swaz da zu gehoˆret, ze Reintal daz dorf halbez vnd swaz da zu geho^eret, ze Nvzdorf vierdhalbe jeuch weingarten vnd swaz geltes in dem dorf da zû geho^eret, Dacz Nevnw°urch zwai jeuch weingarten, zwen Emmer perchrehtes vnd swaz phenning geltes da ist. Ditz vorgenant gu°t allez gehort vnd ist getailt hintz Stranekke. Dise zwen vorgenanten taeil suln also stet vnd vnuerchert beleiben, als hie vor geschriben ist. Wier haben ouch getaeilt di Chirchen ze Senftenwerch, zewing vnd Chv^efarn, daz man die leihen sol von der Purge ze Senftenberch. So sol man da wider die drei Chirchen Stransdorf, Mvrresteten vnd Sande Lorencen leihen von der Pvrge ze Stranekke. Wier wellen ouch den taeil an den Edeln Leuten, die ê getailt sint, stet haben, als si ê zu den vorgenanten vesten mit taeil gauallen sint. Dar zu haben wier gelobt, ob her walther von Taufchirchen vnd sein Hausvrowe vro Herwu°rch oder Eberhart hern Eberhartes Svˆn von walseê vnd Elspet sein Hausvrowe ainweder oder baidenthalben, des Got niht engebe, an erben verfv^eren, so sol dev vorgenant pvrch mit aller gult, vnd vor geschriben ist, di den selben ze taeil geuallen ist, hin wider di nesten erben an geuallen, als Aygens vnd Landes reht ist ze Oˆsterich. Ist aber, des Got niht engebe, ob Eberhart hern Eberhartes Svˆn stvrbe, ê daz er bei seiner hausvrown vron Elspeten ze Chonscheft gelegen wer, so sol her Eberhart von walseê der pvˆrch ze Stranekke vnd swaz seinem Sun Eberharten vnd seiner Hausvrowen Elzpeten dar zv geuallen ist, sich ouzen vnd da mit fûrbaz niht zeschaffen haben. Daz diseu sache ditzs tailes vnd ditzs gelubd, als hie vor geschaiden vnd uerschriben ist, stet von vns baidenthalben vnd vnverchert beleibe, dar uber geben wir disen brief ze vrchvnde geuestent vnd bestetiget mit vnser baider an hangenden Insigeln vnd mit der erbern gezeugen, die do bei warn vnd der namen hie geschriben sint. Daz ist her Gebhart von walseê, her Johann von Preysing Chorherren ze Pazzawe, her Chv^enrat von preysing, her Hainrich vnd her Friderich bru^eder von walseê, her weichart vnd Reinpreht von Polnhaim, her vlrich von weidenholtz, her Herweich von Strahen vnd ander erber leute genvˆch. Der brif ist geschriben vnd gegeben ze Pazzawe an dem nesten Mentage nach Sand Tyburcen tage Nach Christes geburde vber dreuzehen hundert jar, dar nach in dem vierdem Jar.

Source Fulltext: OÖUB 4 (Wien 1867), S. 465-467, Nr. 502