Nos Rudolfus dei gracia Dux Austrie et Styrie dominus Carniole, Marchie ac Portusnaonis Ad vniuersorum, qui presentibus fuerint requisiti, noticiam volumus peruenire, quod nos ad honorem omnipotentis Dei et gloriose Marie Virginia Matris eius omniumque electorum dei ac nostram nostrorumque salutem et remedium animarum capelle sancti Pancratii Castri Nevmburgensis supra Patauiam situati annuos redditus quinque librarum denariorum Patauiensium de Muta nostra ibidem titulo dotis donauimus et presentibus liberaliter tradimus et donamus Ea condicione seruata, vt Abbas Monasterii Formbacensis, qui pro tempore fuerit, imperpetuum eorundem Reddituum vsum habeat in hunc modum videlicet, quod pro dicta summa Quinque librarum duo talenta Salium maioris et Octo talenta minoris ligaminis annuatim de speciali gracia deducere valeat sine Muta Et quod e conuerso per aliquem suorum Confratrum ibidem dictam Cappellam sancti Pancratii inofficiet vnam saltem Missam in eadem cottidie celebrando. Testes huius sunt Magister Berhtoldus Prothonotarius Austrie, Leutoldus de Chvnring, Pincerna Austrie, Stephanus der Meyssawe Marschalcus Austrie, Hermannus Marschalcus de Landenberch, Eberhardus, Hainricus, Vlricus et Fridericus fratres de Walse, Ortolfus de Chranchperch et quam plures fide digni. In cuius dotationis sev libertatis testimonium Sigillum nostrum huic priuilegio duximus appendendum. Datum et actum Wienne Anno domini Millesimo Trecentesimo Quinto in Annuntiacione beate Marie Virginia.

Source Fulltext: OÖUB 4 (Wien 1867), S. 484, Nr. 519