Ich Ortneit der Tanberger wyrgich vnd tun chunt allen den, dy dyesen pryef sehent oder horent lesen, dy nu lebent vnd her (nach) chumftig sint, daz ich mit meiner hausfrawn margretin gutten willen, mit verdothem muot haben gesetzit cwen hof dacz nidernweytenpach vm siben vnd czwaincig phunt passower phenig dem goczhaus vnd den prudem daz dem slag, der wir in mit rether raitung suldich sein worden olso psaidentleichen, ob daz goczhaus auf diselben hovf stiftung ith geb oder leg, daz si daz auch sullen auf dem zacz haben, vnd losung ceit sol olle iar cir lithmes sein, Vnd wan wier noch ter lithmes losen, zo sullen si daz dienst nemmen. Wolt aber daz goczhaus vnd di prueder daz gut gmain pawen, wan wir den losen, zo sulleu si den gtraid wessen. Dar vber geb bir in daz w°rlaup ob es in wcleinchen (sic) berd, daz si di selben hof seczen, swem zi wellen, mit vnserm guten willen, swo wir sein. Vnd daz auch dem goczhaus disev glub vnd der zacz stet pleiben, Dar vber geb bir dem gotzhaus vnd den prudern daz dem slag wirinsigilten disen prief mit meinem insigel vnd mit meins Ohems Chalhochs wan valchemstain. Des sein kecug Chalhoch der walchenstainer, Vlreich der pharrer won sent Oswald, Vlreich der pharrer won welden, Cunrad der pharrer won Rorpach, Pruder dietreich vnd pruder hainreich wom slag, Seifrid won hugenperg, hainreich der winzperger, Cunradus Mulhausin, leb von Rorbach. Der prief ist geben, da won Cristz purd woren Tausend iar, Dreihundert jar jn dem winftem jar An sent Britten tag.

Source Fulltext: OÖUB 4 (Wien 1867), S. 474, Nr. 510