Wir wernhart von Gotes gnaden Graf von Leunberch tuen chunt allen den, di disen brief horent oder sehent lesen, daz wir Chunraten von Tannberch und mit sampt im wernharten dem Harthamer vnd vrauun Alhaiden siner Hausfrawen Chunrades swester von Tannberch ze rechtem Lehen diu Burch ze Tannberch mit alle dev vnd dar zv gehoert verlihen haben, vnd ze einem waren vrchunde der selben Lehenschaft haben wir in vnsern brief gegeben versigelt mit vnserm Insigel vnd sint des zeug, di hernach geschriben sint, Her Chunrat von Preising, Her Heinrich sein veter von Preising, Her Habart von Suniching, Her walther von Taufchirichen, Her Ortlib von walde, Her Marchart von Alnchouen, Seifrid von Taufchirichen vnd ander biderbe leut genuech. Der brief ist gegeben ze Landawe, da von Christes geburt waren Tausent iar, drev hvndert jar vnd in dem fumften jar an sant Michaels tach.

Source Fulltext: OÖUB 4 (Wien 1867), S. 492-493, Nr. 528