Ich Otto der Milchdophe Burger zu Steyr verja^ehe offentlich an disen Brieff vnd thue kundt allen den, die nun sind vnd wer noch ku^enfftiglich werdent, da ich kam an die Statt, die aller der Welt Ko^enigreich ist, dass ich lag an meiner Hinfarth, da schuff ich einen Weingarten an dem Kolmuz auf das Spittal, das bey der Brugge zu Steyr leit vnd der Hochgebohrnen Königin von Rom Stifftung ist, zu Hu^elfe der armen Gottes-Gefanguen, die in demselben Spittal liegen, vnd meiner armen Seel zu Trost vnd geschach das Gescha^eft mit meiner Haussfrauen Handt Frau Elespethen vnd mit aller meiner Erben, die ich bey der alten Haussfrauen hette vnd auch bey der ju^engsten, wie die genent seyn es seyen So^ehn oder To^echter gu^etlichen Willen vnd an der statt, da ich es wohl thun mo^echte vnd dasselb Gescha^effte vnd der Weingarten, der vor genannt ist, von allen meinen Erben, als vor geo^effnet ist, zu keinem Krieg dem vorgenannten Spital nun vnd fu^erbass kommen mo^echte, so gib ich disen Spital diesen gegenwa^ertigen Brieff zu einem ewigen Gezeuge Versigelt mit einem Erbarn Burger-Insigl von Steyr vnd meinen gegenwertigen Insigl. Das ist geschehen zu Steyr, da von Christus Geburt waren vergangen Dreyzehen Hundert Jahre vnd darnach in dem Sechsten Jahr des Samstags vor Mitter-Vasten. Und sind bey demselben Gescha^efft gewesen Herr Peter der Panhalm Richter zu Steyr, H. Heinrich der Preuhauen, H. Marchardt der Schechhe, H. Vlrich vnd Herr Dietmar von Hu^essendorff, H. Ernst von Lobmich, Ott der alte Kerschberger, Ott sein Sohn, Vlrich der Fuchse, Ott der Ernst, Helmreich sein Bruder, Wolf von Preuenbeckh, Hainrich der alt Forster, Friedrich der ju^enger, die zu denselben zeitten in dem Rath waren, vnd ander Biderleith, die bey dem vorgenandten Gescha^efft gewesen.

Source Fulltext: OÖUB 4 (Wien 1867), S. 500, Nr. 536