Ich Gedraut hie enphor housfrow chunrats von ludweigstorf, dem got genad, tun chunt allen den, die diesen brief ansehent oder lesen ho^erent, daz ich daz ober lehen dacz loˆ, daz wirt pei im lemtigen geben vnd geschaft het vnser vrown gotshavs dacz dem slag, daz ich daz selb gu^et mit aller meiner chind guetem willen vnd mit meiner vreunt rat dem vor genanten gotshovs han aufgegeben, pestetigt vnd peaigent meinem wirt vnd vns ze ainem selgeret ewichlick ze haben an als vil, ob ich oder chainer meiner gerben oder meiner vreunt lo^esen wolt daz selb gu^et, der schol daz selb gut lo^esen von dem vor genanten Gotshous vmb zwai vnd drizzich phunt phenning winner mu^enz. Vnt daz daz demselben gotshous vnzeprochen vnd vnuerchert peleib, darv^eber gib ich vnd meinev chint diesen brief mit vnser vreunt ynsigel seifrits von hugenperg, leupolts von ydungsperg, heinreichs des schenchen, ludwigs von ludwigstorf. Des sint zeug salman der ludweigstorfer, alber von harrach, wernher vnd Johan sein su°n. Der prief ist gegeben, da von christi geburt waren tausent dreihundert jar in dem sehsten jar an sant giligen tag.

Source Fulltext: OÖUB 4 (Wien 1867), S. 509-510, Nr. 546