Ich Ortnoeid von Tannberch vergich vnd tv^en chunt allen den, di disen brif sehent oder ho^erent lesen, daz vlrich vnd sein pru^eder wernhart Marquardez sv^en von dem perge mit miner hant vnd mit miner gvnst ein lehen datz perwolfing, daz si von mir ze rehttem lehen habent, dem Gotshaus vnd den pru^edem datz dem Slag habent versetzet mit alliu diu vnd dar zv geho^eret, für zbaintzig pfvnt pazzawer pfenning paidiu fu^er mein vnd auch ir zbarer (sic) misstat ze niezzen alliu jar vnd ist daz geschehen, da von Christ gepurd waren Tausent Driuhvndert vnd siben jar an sand Achatzen tag vnd sint dez geziug Chalhoch der valchenstainer, Magenhauser vnd Purchard ze valchenstein, Leb der Rihtter ze Rorbach, vlrich vnd Heinrich die Chirchperger, Chvnratt der Leikkeb, Gervnch vnd jordan purger ze velden, Heinrich der Amman datz der Chirchen vnd ander gelaeubig.

Source Fulltext: OÖUB 4 (Wien 1867), S. 524-525, Nr. 564