Nos Otto dei gratia vngarie Rex et Stephanns Palatini Comites Reni, Duces Bawarie tenore presentium profitemur, quod inspectis necessitatibus Monasterii sancte Marie in Fornpach et maxime ex consideracione diuersorum grauaminum et pressurarum, quas tempore obsidionis Castri Nevnburch idem Monasterium tam in suis rebus et hominibus multipliciter perpessum, hanc eidem Cenobio ad perhenne remedium nostrorum progenitorum et specialiter quondam predilecti patris nostri diue recordacionis, karissime Matris nostre Elizabeth et nichilominus pro nostre proprie et karissimorum fratrum nostrorum salutis augmento fecimus gratiam pro eisdem turbacionibus et defectibus releuandis, quod dominus Heinricus eiusdem loci tunc reetor et abbas et sui successores, qui pro tempore fuerint, Duo Talenta maioris et Octo minoris ligaminis salem, que eis in festo Conversionis beati Pauli apostoli, quod erat M°. CC°. Nonagesimo Tertio, indulsimus et modo ex recenti vnum Talentum Maioris et Quatuor minoris ligaminis salem, quod ipsis in recompensam recepti dampni modo vltimo per domini Alberti quondam Romanorum Regis transitum superaddidimus, per fauorem beniuolencie specialis tam in Schoerdinga quam in Burchhusa tam antiquam libertatem videlicet duo Talenta maioris et Octo minoris ligaminis salem, quam et iam illam, quam eis modo ex nouo donavimus videlicet vnum Talentum Maioris et Quatuor minoris ligaminis salem tam in Burchhusa quam in Schaerdinga singulis annis semel in anno ipsi vel quibus eandem libertatem vendiderint, deducere possint absque exactione cuiuslibet Thelonei siue Mute eandem iam dicto Monasterio gratiam perpetuo concedentes. Ipsi eciam abbas et Conuentus eiusdem Monasterii pro se et suis successoribus nobis fideliter et certitudinaliter promiserunt, quod progenitorum nostrorum et specialiter quondam karissimorum Patris et Matris nostre Heinrici videlicet et Elizabeth inclite recordationis anniuersarium semel in anno reuerenter et solempniter celebrabunt. In cuius rei testimonium eis preseus jnstrumentum dedimus Sigillorum nostrorum robore communitum. Datum et Actum Schoerding anno domini M°. Trecentesimo Octauo in die beati Seruacii Episcopi.

Source Fulltext: OÖUB 5 (Wien 1868), S. 6-7, Nr. 2