Ich Vlrich der Tursendorfer vergich an disem brief vnd tvn chvnt alten luten, di in sehent oder hornt lesen, daz ich ein Mv°l vnd ein hvb, ain lehen bei der aist, daz ich von minem herren herzog fridrich von Osterrich vnd von Steyr ze lehen gehabt han, recht vnd redlich verchauft han Rudolfen vnd Hainrich bruder am lehen bei der aist vmb sechs phunt wienner phenning, der ich von in gar vnd genczlich gewert bin, vnd han ouch daz selbe lehen minem herren herzog fridrich dem vorgenanten ouf gegeben vnd bat in vleizzichlich, daz er daz selbe lehen den vorgenanten Rudolfen vnd Heinrich lihe ze rechtem lehen vnd wil ouch des vor genanten gutes mines herren herzog fridrich rechter gewer sin fur alle ansprach nah des landes recht vnd gewonheit vnd gib dar vber disen brief versigelt mit minem jnsigel. Der brief ist geben ze Stir nah Christes geburd vber dreuzehen hundert jar darnah in dem virzehentem jar an sant Benedicten(tag) in der vasten.

Source Fulltext: OÖUB 5 (Wien 1868), S. 125, Nr. 124