Ich Nycla von Pechlarn vergih offenlich an disem brief vnd tu^en chunt allen den, die in sehent oder ho^erent lesen, daz ich wol bedoht vnd mit gu^etem willen meiner housvrowen Petersen vnd aller meiner Erben verchouft han ein Aigen haizzet Proestorf, leit bei Seusenek vnd dient ein phunt phenning wienner, dem edlem herren herm Heinrich von walse vmb vierzehen phunt phenning wienner Mu^ensse, der ich schon verrichtt bin vnd gwert vnd sol auch ich mit samt meinen Erben des vorgeschriben gu^etes des vorgenanten hern Heinrichs von walse vnd seiner Erben gwer sein vu^er Chrieg vnd vu^er Ansprah an aller stat nah Landes Reht. Vnd dar vber ze vrchu^ende gib ich in disen brief mit vnsers pfleger jnsigel von Pechlarn vnd mit der Burger jnsigel da selb bestetet vnd geuestent; vnd sint des Gezeug her chunrat der Burgraf von Seusenekk, her Heinrich der Roedler, her Ott von Chornspach vnd ander piderber Leut mer. Der brief ist geben, do von Christes Gebu^ert warn driuzehen Hundert iar, in dem zwai vnd zwainzigistem iar an dem perht tag.

Source Fulltext: OÖUB 5 (Wien 1868), S. 311-312, Nr. 321