Ich Rv^eger von Storchenberch vergiche an disem prief allen den, di in sehent vnd ho^erent lo^esen, Daz mir mein veter Gvndacker von Storchenberch ze chouffen hat gege\aben den Hove dacz pv^ehel mit alle dev, vnd darzv geho^ert ze holz vnd ze velde, besucht vnd vnbesu^echt Also bescheidenlich, ist, daz ich stirbe vnd veruar an e\arben, so sol dire Hove wider geuallen vnd erben an mein vetern Gvndackern mit alle de\av, vnd darzv geho^ert, ist, daz er nach meinem tot indert stet, da ich in versaczt han, da sol er in losen vnd ledigen fu^er sein aigenlich gut oder swem ich in verlihen han, dem sol ovh er nach mir leihen, ob er der lehenschaft ermont wiert, vnd daz daz also staet beleibe vnd vnuerchert, darvber gibe ich im Gvndackern vnd sinen erben disen prief versigelten mit meinem hangundum jnsigel. Dire prief ist gege\aben (da) von Christes gepurde ergangen waren Dreuzehen Hvndert jar, darnach in dem vier vnd zweinzgstem jar des Mitichen nach sand philippes tag ze wels in der stat.

Source Fulltext: OÖUB 5 (Wien 1868), S. 391, Nr. 394