WIR Ott von gotes gnaden Herczog ze Osterrich vnd ze Styr, herre ze Chrayn, auf der Marich vnd ze Portenawe veriehen offenlichen mit disem brief vnd tu°n chvnt allen den, die in ansehent lesent oder ho^erent lesen, Daz wir durch got vnd durch vnser frawen willem dem Goczhaus ze dem Slegel die gnad haben getan vnd tun mit disem brief, Daz si den walt, der zvˆ dem Chloster gehoret, reutten sullen vnd wer dar in chvmt vnd da siczzen wil vnd reutten, der sol von vns vnd vnsern Pru^edern freyung haben zwelf ganczzev jar, wan es in vnserm Land ist vnd auch wir des Goezhauses Obrist vogt sein, vnd daz in daz stet vnd vnzerbrochen beleib, Geben wir dem Goczhaus disen brief versigelten mit vnserm jnsigel. Der ist geben ze Lyncz des Phincztags nach sant Mathias tag, Do man zalt von Christes geburd Drevzehenhundert jar in dem fvˆmf vnd zwaincgisten iar.

Source Fulltext: OÖUB 5 (Wien 1868), S. 418-419, Nr. 420