Ich Graf Hainrich von Ortenberch vnd mein Havsfraw Graf ... Ortenberch veriechen vnd tu°n chunt offenlichen an disem Brief allen den, di in an sechent, lesent oder horent lesen, Daz vns mein Lieb Swoeger Graf Hainrich von Schavnberch vnd Albert sein Bru°der von Schavnberch an dem gu^ete, daz si mir zu^e meiner Hausfraven irer Swester gegeben habent, da wir ir Brief vber habent; vnd an dem selben gute habent si vns verricht vnd gewert zway Hvndert Phv^ent vnd zwelif phv^ent Regenspuriger phenning. Vnd dar v^eher ze einem v^erchv^ende vnd ze Einer gedenchnusse geb wir in disen Offen Brief mit vnser Paider Insigel versigelten. Der Brief ist ze vilshoven gegeben des nasten Mittichens var sant dyonysen tag, do man zalt von Christes gepurte Drewtzechen Hvndert jar, Dar nach in dem Siben vnd zwaintzgistem Jare.

Source Fulltext: OÖUB 5 (Wien 1868), S. 494, Nr. 496