Ich fridrich der Tanpech vnd mein hausfrawe Agnes Tu^en chunt vnd veriechen allen den, die disen brief sehent oder ho^erent lesen, daz wir vnsern hof ze perweinstorf, den wir ze lehen habn von dem gotshause ze freising, habn verchouffet vnd ze chauffen gebn dem Erwirdigen vnserm genadigen herren Bischof Chunrat von freising vnd seinem Gotshûse ze frising, von dem wir den vorgenanten hof ze lehen ge ... habn, vm achzich pfhunt pfhenig wienner, der wir gar vnd gaenczleich von dem vorgenantem vnserm herren Bischof Chu^enrat gewert sein vnd von seinem gotshaus an beraiten pfhenig, wir veriehen auch bayden, d ... , wir den vorgenanten hof ze Perwinstorf habn auf gebn wir vnd vnserev chinder dem hoftgenauten herren Bischof Chu^enrat ze frising vnd seinem gotshause, ... haben vns an dem hof aller rechte vertzigen wir vnd vnser erben also, daz wir noch dhain vnser erbe an ... ob geschriben hof dhain recht noch ansproche nimmer mer sullen gewinnen. Der Taiding vnd des chauffes sint zeugen her alram von Reikerstorf, Chunrat der Prater, herman der ha^eusib, Chu^enrat von Pu^echawe, Ru^emhart vnd Chu^enrat bru^eder die hager vnd ander erber laˆut genu^eg, daz daz allez vnserm gena^edigen herren Bischof Chu^enrat vnd seinem gotshaus ze frising stet vnd vnezerbrochen belibe, geben wir im disen brief besigelt mit meinem jnsigel fridrichs des Tanpeckhen vnd mit hern walthers jnsigel purgrauen ze Chunratsheim hern Chu^enrats sun des purgrauen ze Seusenek, mit chu^enrats jnsigel des praters, mit hermans jnsigel des ha^eusibs vnd mit Chu^enrats jnsigel von Pu^echawe vnd mit meins bru^eders jnsigel vlrich des ||
Tanpeckhen. Ich walther purgraf ze Chu^enratsheim, Chu^enrat prater, herman hêusib, chu^enrat von Pu^echawe vnd vlrich Tanpeckh veriehen, daz wir durich fridrichs des Tanpeckhen pet vnd durich seiner hausfrawen pet frawen agnesen vnd auch, daz wir pei dem chauff gewesen sein, vnserev jnsigel an disen brief gelait habn zu ainem v^erchu^eude der worhait. der brief ist geben ze Vlmaruelt, da von Christes gepurtte woren dreuzehen hundert jar vnd dar nach in dem newen vnd zwainzigistem jar an dem Perchten tag.

Source Fulltext: OÖUB 5 (Wien 1868), S. 533-534, Nr. 532