Wir Friderich von gotes genaden Ertzbischolf ze Salzburch, Legat des stuls ze Rom veriehen offenbar an disern brif vnd tu°n chunt alle den, di in sehent oder ho^erent lesen, Daz wir di edeln leutt Rudolfen vnd Hertniden bru°der von Stadekk vnd Hertniden, Rudolfen, Ditrichen vnd Ludowigen pru°der von Losenstein von besundern genaden vnd durch ir trew vnd durch ires dinstes willen haben begnadet mit der purch ze vriuntsperch, di gelegen ist pei der fa^eustritz, di vns vnd vnserm gotshouse ze recht ledich was, vnd haben in vnd ir erben di selben Purch verlihen ze rechtem lehen mit leut vnd gu°t vnd mit allen den rechten, di darzu° geho^erent besu°cht vnd vnbesu°cht vnd habent ouch si vns darnach gesworen, als man nach lehen sweren sol. Darvber geben wir in disen brif versigelten mit vnserm anhangunden jnsigel. Der ist geben ze Leybentz an sand Andree tag, Do von Christes gepurd waren Dreuzehen hundert iar, darnach in dem Neun vnd zwainzikistem iar.

Source Fulltext: OÖUB 5 (Wien 1868), S. 564, Nr. 562