Wir Albrecht von gotes gnaden Bischof ze Pazzowe vergehen offenlich mit disem brief, daz fu^er vns chomen ist vnser liber getrewer Chunrat von Tannberch vnd gab vns auf di gu°t datz Alnchofen, di er von vns vnd vnserm gotzhavs ze lehen hat vnd die Chunrat der Vtzinger fu^erbaz von im ze zwain Leiben het. Vnd haben wir diselben gu°t nach des vorgenanten Chunrates pet vnd willen ze Rechtem Lehen gelihen vnserm getrewen liben Espeinn von Hag vnd seiner Hausvrowen Hailweigen vnd ir paider Erben, di si habent oder noch gewinnent; Vnd sein auch des ir Herr vnd ir Gwer, wo in des durft geschiecht. Vnd dar vber ze vrchunn geben wir disen brief versigelt mit vnserm anhangundem Insigel, Der ist geben ze Ebelzperch. Nach Christes gepu^erd Dreutzehen Hundert Jar, dar nach in dem zway vnd Dreizzkisten Jar an sand Pauls tach zder becherung.

Source Fulltext: OÖUB 6 (Wien 1972), S. 48f., Nr. 39