Wir Graf Chu^enrad von Schowˆnberch veriehen vnd tu^en chunt offenlich mit disem brief, daz wir vns gen den Hochgebo^ernen fürsten vnsern genedigen Herren Hertzog Albrecht vnd Hertzog Otten ze O^esterreich vnd ze Steyr verpunden haben vnd verpinden vns ouh mit disem brief vmb die Vogttey der Chirichen zv Ruprechtshofen, die von vns lehen ist, daz wir in di lehenschaft derselben Vogttey inner Jares vrist vertigen vnd in ir gwalt pringen sullen an alle widerrede, vnd daz wir daz also stête behalten vnd volfu^eren, des geben wir den obgenanten vnsern herren den Hertzogen disen brief ze einem offenn vrchunde besigeltn mit vnserm Insiegel, Der geben ist ze wienn, do man zalt von Christes geburde Tusent, Dreuhundert Jar darnach in dem zway vnd Dreizzigistem Jar, des na^ehsten mitichens vor vnser vro^ewentag der Liehtmisse.

Source Fulltext: OÖUB 6 (Wien 1972), S. 49, Nr. 40