Wir Graf Chünrad von Schowˆnberch veriehen vnd tu°n chunt offenlich mit disem brief für vns, vnser Erben vnd Nachkomen, daz wir mit wol verdahttem mut vnd mit gu°tem Rat den Chirhensacz vnd die Vogttey der Chirhen ze Ru^eprehtshofen, die vns zvgeho^erent, auzgewechselt vnd geben haben den Hochgebornen fu^ersten vnsern genêdigen Herren Hertzog Albrechten vnd Hertzog Otten ze O^esterreich vnd ze Steyr vmb den Chirichensatz vnd die Vogttey der Chirhen ze Oberleyzze also, daz sev, i\er Erben vnd ir nahchomen den vo^ergeschriben Chirhensatz zv Ruprechtshofen vnd die vogttey doselbs fu^erbaz ewichlich mit allen rehtten vnd nutzen, als wir sev vnd vnser vordern vncz her praht vnd innegehabt haben, niezzen vnd haben sullen vnd allen irn frumen do mit schaffen, so ez in allerbest fu^eget, wir sein ouh in, ierer Erben vnd ierer Nachkomen des obgeschriben auzwechsels rehtter schi\erm vnd gewer gen aller menlich nah des Landesreht ze O^esterreich, vnd des ze einem offen v^erchund vnd sicherhait geben wir den vorgenanten vnsern herren den Hertzogen, irn erben vnd nahkomen disen brieff besigelt mit vnserm Insigel, Der geben ist ze wienn, do man zalt von Christes gebu^erde Tusent, Dreuhundert Jar, darnach in dem zway vnd dreyzzigistem Jar, des nahsten Mitichens vor vnser vroˆwen tag der Liehtmisse.

Source Fulltext: OÖUB 6 (Wien 1972), S. 50f., Nr. 42