WIR Albrecht vnd Ott von Gates gnaden Herczogen ze O^esterreich vnd ze Steyr, Herren zu Chrain, auf der Marich vnd ze Portenowˆ, Grafen in Habspu^erch vnd in Kybûrch vnd Lantgrafen in Obern Elzassen Veriehen vnd tu^en chunt offenleich mit disem brief, Daz wier die freiung, di vnser lieber Herre vnd Bru^eder Ku^enig Fridrich selig dem Erwierdigen fu^ersten hern Fridreichen Erczbischofen ze Salczpurch auf seinem Hoûs ze Lyncz baid vor Gastung vnd vor herwergung getan hat mit sinem brief, stêt haben wellen und bestetigen im ouch die mit disem brief. Ouch haben wier dem vorgenanten Erczbischofen von Salczpûrch di sunder lieb vnd vreûntschaft getan, daz er vnd sein nachchomen auf der Hofmarich, die gelegen ist ze nêchst an sinem altem Hous ze Lyncz da selbs, di er mit vnser des vorgenanten Herczog Otten willen vnd gunst gechoˆuffet hat, fûrbaz ouch entladen sûllen sein aller gastung vnd herwergung vnd daz eri vnd sein Gotshoˆus di selben Hofmarich haben sullen ewichleichen in allen den rechten vnd vreitumen, als si daz alt hoˆus ze nachst da be enther gehabt habent vnd als oˆuch des vorgenanten vnsers Herren Kûnig Fridreich seligen brief sagent, Vnd gebieten vnsern Hoˆuptmanen, Marschalichen, Pu^erggrafen, Amptlûten — dem Richtter, — dem Rat vnd der Gemain vnserer Purger ze Lyncz ernstleichen vnd wellen, daz si im di selben vreiung stêt halten vnd im dhain ierrung daran tu^en vnd den wiert in dem selben Hoˆus mit dhainen vnczeitleichen vnd vngewoˆndleichen sachen icht beswêren noch beswêren lazzen. Vnd des zu einem vrchund geben wier. in disen brief versigelten uiit vnsern anhangunden Insigeln. Der ist geben ze wienn an Sunntag, als man singet Inuocauit, Do man zalt von Christes gepurde Tûsent Drevhundert iar, darnach in dem fûmf vnd Dreizzigisten iar.

Source Fulltext: OÖUB 6 (Wien 1972), S. 148, Nr. 141