Wir Graf Chunrat von Schowenberch vnd alle vnser Erben veriehen offenlich mit disem Brief allen den, die in lesent, sehen oder hörent lesen, di nv lebent vnd her nach cku^emftig sint, Vmb den Hofe Ru^etzenmayr vnd allez, daz dar zv^e geho^ert ze velde vnd ze dorffe, swie daz genant ist, vnd allez daz gu^et ze Ro^erenbach, daz her wikchart von Toppel von vns ze lehen gehabt hat, di aigenschaft des vorgenanten gu^etes haben wir mit gu^etem willen ledichlichen aufgeben vnsern gnaedigen Herren den Hochgebon fursten Herczog Albrechten vnd Herczog Otten ze O^esterreich vnd ze Styr vnd ze Kernden vnd allen iern Erben mit allen den rehten, als wir daz in aigens gewer her braht haben. Vnd geben in dar v^eber disen Brief ze ainem waren gezeug diser sache besigeltn mit vnserm jnsigel. Der Brief ist geben nach Christes gebu^erde Tovsent vnd drev Hundert iar darnach in dem fu^emf vnd dreizzgisten iar an sand Bartholomes tag.

Source Fulltext: OÖUB 6 (Wien 1972), S. 177f., Nr. 170