Ich Fridrich von Waltse vnd Ich Leotold von Chunring veriehen vnd tu^en chund allen den, die disen Brif sehent, lesent oder horent lesen, Daz wier vmb den chrieg, den Reinbrecht vnd Fridrich von Waltse mit hern Hansen von Chappell habent vnd vmb all vnser vfleuf, die wir mit ein ander haben, gegangen sein hinder hern Eberharten vnsern vetern von waltse Haubtman ob der Ens, Daz vns der ainen tag geben sol gen Wienn, wann Er wil. wir luben ouch, ob er den tag Verzug durich recht no^etdu^erfft, so mag Er vns wol ainen andern geben vnd sol ouch All vnser chrieg snd vfleuf von vns verhoren vnd waz Er dar vber vf die taeg sprichet, daz lub wir allz stet ze halten mit vnsern triwn. Ich Fridrich vnd jch Leotold von Chunring luben fuer Renbrechten von Waltse allez daz stet zehalten, waz der brif sagt gen Eberhart von Waltse vnsern Vetern Houbpman ob der Ens. Daz die sach vnd wandlung also stet vnd vnzebrochen belib, geb wir den Brif dar vber versigelten mit vnsern Insigeln, Der geben ist, da man zalt von Christes geburd Dreuczehen Hundert jar vnd in dem fumfvnd Drizzigistem jar des Samztags nach Sand Margareten tag.

Source Fulltext: OÖUB 6 (Wien 1972), S. 173, Nr. 166